काठमाडौं- सन् २०१५ /०१६ मा चीनले नेपाललाई ७३ करोड १९ लाख २१ हजार अमेरिकी डलर अर्थात करिब ७३ अर्ब रुपैयाँ आर्थिक सहायता उपलब्ध गराउने प्रतिबद्धता जनाएको थियो।

तर, विनाशकारी भूकम्प गएको त्यो वर्ष चीनबाट पाँच करोड ४४ लाख डलर मात्रै प्राप्त भयो।

सन् २०११ /०१२ मा १२ करोड ७२ लाख डलर सहायता दिने प्रतिबद्धता गरेको चीनले जम्मा दुई करोड ८३ लाख डलर मात्रै उपलव्ध गरायो।

यसरी सात वर्षमा ११२ अर्ब रुपैयाँको प्रतिबद्धता जनाएको चीनले जम्मा ३१ अर्ब प्रदान गरेको छ। यो खबर आजको नयाँ पत्रिका दैनिकमा सुवास भट्ट र पुष्प ढुंगानाले लेखेका छन्।

यसमा चीनको मात्र होइन, परियोजना तथा कार्यक्रममा नेपालको अस्तव्यस्त भूमिका पनि उत्तिकै जिम्मेवार छ।

चीनले नेपालाई हरेक वर्ष ठूलो मात्रामा आर्थिक सहयाता दिने घोषणा गर्दै आएको छ।

तर, उसले प्रतिबद्धता अनुसार रकम भने नेपाललाई दिँदैन। प्रतिबद्धता भन्दा निकै कम रकम मात्र चीनले उपलव्ध गराउँदै आएको छ।