काठमाडौं- जिल्ला अदालतले मान्यता दिएको दोस्रो विवाह उच्च अदालतबाट बदर भएको छ।

काठमाडौं जिल्ला अदालतले गत भदौमा सदर गरिदिएको नारायण महत र दुर्गा श्रेष्ठको दोस्रो विवाह उच्च अदालतले बिहीबार बदर गरिदिएको हो।

काठमाडौंको गोकर्णेश्वरमा बस्दै आएका उनीहरूले २०७१ सालमा ‘डिपेन्डेन्ट’ मा जापान जान काननुी विवाह गरेका थिए। यो खबर आजको नागरिक दैनिकमा शिवहरि घिमिरेले लेखेका छन्।

महतकी पहिली पत्नी सावित्री महतले आफूसँग विवाह समबन्ध कायम हुँदाहुँदै अर्काे विवाह गरेको भन्दै जाहेरी दिए पनि काठमाडौं जिल्ला अदालतले भदौ ५ गते दोस्रो विवाहलाई नै सदर गरेको थियो।

त्यसपछि सावित्रीले उच्च अदालत (पाटन)मा पुनरावेदन दिएकी थिइन्। विदेश जाने बहानामा अदालतलाई नै ढाँटेर दोस्रो विवाह गरेको खुलेपछि उच्च अदालतले जिल्ला अदालतको फैसला बदर गरिदिएको हो। उनीहरू अहिले थुनामा छन्।