काठमाडौं- ठगी आरोपमा पक्राउ परेका व्यवसायी तथा पूर्वअर्थ सहायकमन्त्री रुपज्योतिले आफूलाई सरकारकै केही व्यक्तिले नियोजित रुपमा फसाउन खोजेको दाबी गरेका छन्।

बिहीबार सिंगापुराट फर्कने क्रममा त्रिभुवन विमानस्थलबाटै पक्राउ परेका उनले आफू निर्दोष रहेको जिकिर गरेका खबर आजको नागरिक दैनिकमा शिवहरी घिमिरेले लेखेका छन्।

‘म ल्यान्डमार्क कम्पनीको सञ्चालक होइन, केही सेयर रकम मात्रै मिसाएको हुँ,’ प्रहरी हिरासतमा रहेका रुपज्योतिले भने, ‘मेरो बारेमा बाहिर आएका कुरा भ्रमक हुन्, मलाई फसाउन योजनावद्ध तरिकाले लागिएको छ।’

ल्यान्डमार्क डेभलपर्स प्रालीले ०७१ सालमा महाराजगञ्जस्थित बाँसबारी क्षेत्रमा एक प्लट घडेरी बिक्री गरेर एक करोड ३६ लाख ७५ हजार ठगेको आरोप रुपज्योतिमाथि लागेको छ।

तर, आफू उक्त कम्पनीको सञ्चालक नएको दाबी रुपज्योतिको छ।