काठमाडौं- सत्तारुढदल नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ र समाजवादी पार्टीका संयोजक डा. बाबुराम भट्टराई आइतबार एउटै ठाउँमा भेटिएका छन् । यो भेट भने संयोगले भएको हो ।
पार्टी अलग भएपछि एकै ठाउँमा विरलै भेटिने प्रचण्ड र भट्टराईको आइतबार विहानको भेट भने काठमाडौंस्थित त्रिभुवन विमानस्थलले जुराइ दिएको हो ।
प्रचण्ड पार्टी कार्यक्रमका लागि नेपालगञ्ज जान लागेका थिए भने भट्टराई पोखरा । तर समयमा जहाज नउडेपछि उनीहरु एयरपोर्टमै केही घण्टा अड्किएका हुन् ।
जहाज डिले भएपछि प्रचण्ड बाबुराम, रामबहादुर थापा ‘बादल’ अर्का नेता टोपबहादुर रायमाझी लगायतका नेताले तीन घण्टासम्म कुर्नुपरेको थियो ।
यसै कुराइ र भेटलाई डा. भट्टराईले सामाजिक सञ्जाल ट्वीटरमार्फत अभिव्यक्त गरेका हुन् ।
उनले लेखेका छन्, ‘७ बजे उड्नुपर्ने प्लेन १० बजेसम्म उडेको छैन ! एयरपोर्टमा घण्टौं कुर्दाको फायदा चाहिं सबै पार्टीमा छरिएका साथीहरूसंग भेटघाट र गफगाफ गर्न पाइने ! नकारभित्र सकार भनेको शायद यही हो ! अथवा चित्त बुझाउने मेसो !’
लेखकको बारेमा
प्रतिक्रिया