काठमाडौं- नेपाल भ्रमणमा रहेको मिस वर्ल्ड २०१९ टोनी एन सिंह शुक्रबार मकवानपुरको कैलाश गाउँपालिका वडा नं. ७ तामलाङ गाउँ पुगेकी छन्।
पूर्व मिस नेपाल शृंखला खतिवडाले निर्माण गरेको तामलाङस्थित ङिको स्वास्थ्य चौकीको अवलोकन गर्न मिस वर्ल्ड टोनी एन सिंह, मिस वर्ल्डकी अध्यक्ष जुलिया मोर्ले, मिस नेपाल २०१८ श्रृंखला खतिवडा, मिस नेपाल २०१९ अनुष्का श्रेष्ठ र मिस नेपालका आयोजकहरु पुगेका थिए।
मिस वर्ल्डमा ब्युटी विथ पर्पज बिधा जित्न सफल भएको स्वाथ्यचौकीको अवलोकनपछि मिस वर्ल्डकी अध्यक्ष मोर्लेले बर्थिङ सेन्टर चलाउन आर्थिक सहयोग गर्ने प्रतिबद्धता गरेकी छन्।
मिस वर्ल्डकी अध्यक्ष मोर्लेले २०१८ को मिस वर्ल्डमा ब्युटी पर्पज जित्न सफल भएको स्थानमा पुग्न र देख्न पाएकोमा खुसी व्यक्त गरिन्।
मिस वर्ल्डकी अध्यक्ष जुलिया मोर्ले र मिस वर्ल्ड टोनी एन सिंह मिस नेपाल आयोजक हिडेन ट्रेजरको २५ औं वार्षिकोत्सवमा सहभागी हुन नेपाल आएका हुन्।
लेखकको बारेमा
प्रतिक्रिया