काठमाडौं- नेपालमा अहिलेसम्म १५ सय २९ जनाको कोरोना परीक्षण भएको छ ।

स्वास्थ्य मन्त्रालयका प्रवक्ता डा. विकास देवकोटाले नियमित पत्रकार सम्मेलनमार्फत १५ सय २९ जनाको कोरोना परीक्षण गरिएको जानकारी दिएका हुन् ।

देवकोटाका अनुसार परिक्षण गरिएको १५ सय २९ मध्ये एक सय १३ जनालाई आइसोलेसनमा राखि उपचार गरिएको छ । जसमध्ये ९ जनामा कोरोना भएको यसअघि नै पुष्टी भईसकेको थियो ।

उनका अनुसार काठमाडौं उपत्यकामा १२ जना र उपत्यका बाहिर १०१ जनालाई आइसोलेसनमा राखि उपचार गरिएको छ ।

खरिपाटीको क्वारेन्टाईनमा रहेका सबैको रिपोर्ट नेगेटिभ

भक्तपुरको खरिपाटीस्थित क्वारेन्टाईनमा रहेका सबै व्यक्तिको रिपोर्ट नेगेटिभ भएको पाइएको छ । कोरोना आंशकामा क्वारेन्टाईनमा राखिएका सबै ९४ जनामा कोरोनाको संक्रमण नभेटिएको स्वास्थ्य मन्त्रालयका प्रवक्ता देवकोटाले जनाएका हुन् ।

सरकारले विभिन्न एयरलाईन्समार्फत नेपाल आएका ९४ जनालाई क्वारेन्टाइनमा राखेको थियो ।