काठमाडौं- जनता समाजवादी पार्टीका संघीय परिषद् अध्यक्ष डा. बाबुराम भट्टराईले वर्तमान राष्ट्रपति र प्रधानमन्त्रीको जोडी कायम रहेसम्म संविधान र लोकतन्त्रको शिरमाथि तरबार झुन्डिरहने आरोप लगाएका छन्।

खासगरी संवैधानिक परिषद्सम्बन्धी अध्यादेश जारी भएपछि पूर्वप्रधानमन्त्री डा. भट्टराईले संविधान र लोकतन्त्र खतरामा परेको चिन्ता व्यक्त गरेका हुन्।

वर्तमान राष्ट्रपति र प्रमको जोडी कायम रहेसम्म संविधान र लोकतन्त्रको शीरमाथि तरबार झुण्डिरहने कटुसत्य अहिलेसम्मका घटनाक्रमले पुष्टी गरिसके।अब पनि त्यस्तो अनिष्ट रोक्न संविधानले व्यवस्था गरेको महाभियोग,अविस्वास लगायतका हतियार प्रयोग गर्न खुट्टा कपाउनेलाई इतिहासले क्षमा गर्नेछैन है!

— Baburam Bhattarai (@brb1954) December 17, 2020

‘वर्तमान राष्ट्रपति र प्रमको जोडी कायम रहेसम्म संविधान र लोकतन्त्रको शिरमाथि तरबार झुण्डिरहने कटुसत्य अहिलेसम्मका घटनाक्रमले पुष्टि गरिसके,’ डा. भट्टराईले सामाजिक सञ्जालमा लेखेका छन्, ‘अब पनि त्यस्तो अनिष्ट रोक्न संविधानले व्यवस्था गरेको महाभियोग, अविश्वासलगायतका हतियार प्रयोग गर्न खुट्टा कँपाउनेलाई इतिहासले क्षमा गर्ने छैन है।’