काठमाडौं– राजबन्दीको रिहाइ तुरुन्त र निःशर्त हुनुपर्ने पूर्वप्रधानमन्त्री तथा जनता समाजवादी पार्टी नेपालका संघीय परिषद् अध्यक्ष बाबुराम भट्टराईले बताएका छन्।

जसपाको माग सत्ता स्वार्थमा मोलतोलका लागि प्रयोग हुन नहुने भन्दै भट्टराईले सामाजिक सञ्जालमार्फत रेशम चौधरी लगायत सबै राजनीतिक बन्दीको निःशर्त तुरुन्त रिहाइ गर्न माग गरेका हुन्।

उत्पीडितको पहिचान र अधिकार सहितको राज्य पुनःसंरचना हुने गरी संविधान संशोधन गरिनुपर्ने जसपाको सर्वसम्मत र निरन्तरको अडान रहेको पनि भट्टराईले बताएका छन्।

जसपाले निरन्तर रुपमा उठाउँदै आएका माग अहिलेको सत्ता स्वार्थमा मोलतोल हुनै नसक्ने भन्दै भट्टराईले आफ्ना माग तत्काल पूरा गर्न भनेका छन्। पार्टी आफ्नो मागमा स्पष्ट रहेको भन्दै उनले भ्रमको खेती नहोस् भन्दै चेतावनीसमेत दिएका छन्।

रेशम चौधरी लगायत सबै राजनीतिक बन्दीहरूको रिहाइ तुरून्त र नि:शर्त गर!थारू लगायत उत्पीडित राष्ट्रियताहरूको पहिचान र अधिकार सहितको राज्यपुनर्संरचना हुनेगरी संविधान संशोधन गर!यो जसपाको सर्वसम्मत र निरन्तरको अडान हो!यो क्षणिक सत्तास्वार्थनिम्ति मोलतोलको साधन नबनोस् र भ्रमको खेती नहोस!

— Baburam Bhattarai (@brb1954) March 26, 2021