गाेरखा- नेपाली कांग्रेस गाेरखाले संघ, प्रदेश र स्थानीय सरकारलाई आम नागरिकको सरकार छ भन्ने अनुभूति गराउने गरी सम्पूर्ण ध्यान उद्धार र राहतमा केन्द्रित गर्न माग गरेको छ ।

काग्रेस गोरखाले केही दिनदेखिको अरिबल बर्षाले जिल्लाकाे बिभिन्न क्षेत्रमा किसानले लगाएको धान बाली नष्ट गरेको तथा उत्तरी क्षेत्रमा पैदल मार्ग समेत अबरुद्ध भएको भन्दै  उद्धार र राहतमा केन्द्रित गर्न माग गरेको हाे । कांग्रेसकाे नेतृत्वमा नै जिल्लाका नाैं स्थानीय तह, गण्डकी प्रदेश र संघ सरकार छ ।

जिल्ला सभापति नन्दप्रसाद न्यौपानेद्वारा जारी बिज्ञप्तिमा बर्षा पछि आएको बाढी र पहिरोले कतिपय सडक अबरुद्ध बनाएको, नागरिकको घर पहिरोको जोखिमा परेको जानकारी आएको भन्दै संघ, प्रदेश र स्थानीय सरकारलाई आम नागरिकको सरकार छ भन्ने अनुभूति गराउने गरी सम्पूर्ण ध्यान लगाउन माग गरेकाे छ ।

बिज्ञप्तिमा काग्रेसले प्राकृतिक बिपतका बारेमा समयमा नै सवैलाई प्रभावकारी रुपमा सू-सूचित गराउन माग गर्द बिपतको पूर्व सूचना दिने प्रणालीलाई प्रभावकारी बनाउनु पर्नेमा जोड दिएको छ । त्यस्तै बिपदको अबस्थामा सर्तकत अपनाउन र आ–आफनो ठाउँबाट बिपतमा परेकालाई सहयोग गर्न समेत सवै जिल्लाबासीलाई काग्रेस गोरखाले अपिल गरेको छ ।