+
Search

ताजा अपडेट +

पपुलर +

गाेरखाका १० स्थानीय तहमा माओवादी केन्द्रको नेतृत्व, प्रायमा पूराना अनुहार !

4KNationalDaily
२०७८ मंसिर १३, सोमबार १९:१३ बजे

गाेरखा- नेकपा (माओवादी केन्द्र)ले गाेरखाका १० वटा स्थानीय तहमा सर्वसम्मत नेतृत्व चयन गरेको छ । शनिबार सम्पन्न भएको पहिलो गाउँपालिका तथा नगरपालिकाको अधिबेशनले प्रायमा सबै पूराना अनुहारका नेतृत्वकाे कमिटि बनाएकाे छ । पालुङटार नगरपालिकामा पालिका कमिटि चयन भएपनि अध्यक्षमा विवाद भएपछि अधिबेशन स्थगित भएकाे छ ।

पालुङटारमा विवश चिन्तन (अजय देवकाेटा) र विकास वाग्लेले दावी गरेपछि विवाद भएकाे हाे । माओबादीको बिधानमा नगरपाटी समितिमा ८५ जना र गाउँपालिका पार्टी समिति ५५ जनाको रहने व्यवस्था गरेको छ भने अधिबेशनबाट सदस्यहरु चयन गरी सदस्यहरुबाट पदाधिकारी चयन गर्ने व्यवस्था रहेको छ ।

गोरखा नगरपालिकाको नगरपार्टी अध्यक्षमा कृष्ण रानामगर, उपाध्यक्षमा चन्चला ज्ञवाली, रामबहादुर खड्का मंगलबहादुर बयलकोटी, सचिवमा हरीबहादुर खनाल, सहसचिवमा गोबिन्द भट्टराई र कोषाध्यक्षमा बिनोद अर्याल सर्वसम्मत चयन भएका छन् ।

त्यस्तै भीमसेन थापा गाउँपालिकाकाे अध्यक्षमा सुजन पाण्डे, उपाध्यक्षमा नारायण श्रेष्ठ, मालती भट्ट र सागर श्रेष्ठ, सचिवमा मदनकुमार शाक्य, सहसचिवमा कृष्णबहादुर बि.क र कोषाध्यक्ष बिष्णु पाण्डे निर्वाचित भए । आरुघाट गाउँपालिकाको अध्यक्षमा बिष्णुप्रसाद खड्का, उपाध्यक्षमा डिलबहादुर रोका, अमृता लामा, पार्वती सापकोटा, सचिवमा राजकुमार ढकाल, सह-सचिवमा गमबहादुर गुरुङ र कोषाध्यक्षमा कृष्णबहादुर नेपाली, गण्डकी गाउँपालिकामा सिताराम रसाइली, उपाध्यक्षमा दानसिंङ गुरुङ, मिलन मग्राती, सचिवमा तुलसी रेग्मी निर्वाचित भएका हुन् । गण्डकीमा कोषाध्यक्ष र सहसचिव पछि मनोनयन गरिने जनाइएको छ ।

सहिद लखन गाउँपालिकाको अध्यक्षमा रमेश थापामगर, उपाध्यक्षमा इन्दिरा तिवारी, कृष्ण अम्गाई, धु्व्र खनाल, सचिवमा कृष्णबाबु श्रेष्ठ, सह-सचिवमा भरत खनाल, कोषाध्यक्षमा शेरबहादुर बिक निर्वाचित भए । सिरानचोक पार्टी समितिको अध्यक्षमा नवराज पुडासैनी, उपाध्यक्षमा उद्धव गुरुङ, शारदा घिमिरे र लक्ष्मी रम्तेल, सचिवमा धनबहादुर तामाङ, कोषाध्यक्षमा हेम तमु र सहसचिवमा बिनोद भण्डारी निर्वाचित भएका छन् ।

चुमनु्रबी गाउँपालिका पार्टी समितको अध्यक्षमा कुमारी गुरुङ, उपाध्यक्षमा राजकुमार गुरुङ, चित्रबहादुुर गुरुङ, सुरेन्द्र गुरुङ, सचिवमा बलबहादुर गुरुङ, सहसचिवमा काजी घले, र कोषाध्यक्षमा छिरिङ ध्युर्मे लामा निर्वाचित भएकाे माओबादीले जनाएको छ । बारपाक सुलिकोट गाउँपालिका पार्टी समितिको अध्यक्षमा नरबहादुर गुरुङ निर्वाचित भएका छन् भन्ने अन्य पदाधिकारीको निर्वाचन गर्न बाँकी रहेको छ ।

धार्चे गाउँपालिका पार्टी समितिको अध्यक्षमा लक्ष्मण गुरुङ उपाध्यक्षमा मीनबहादुर सुनार, रामकुमार गुरुङ र इन्द्रप्रसाद गुरुङ, सचिवमा सूर्यबहादुर गुरुङ, सहसचिवमा शरद गुरुङ र कोषाध्यक्षमा सबिना घले निर्वाचतको पार्टीले जनाएको छ । त्यस्तै अजिरकोट गाउँपार्टी समितिको अध्यक्षमा सनिल परियार, उपाध्यक्षमा अनिता भुजेल, धनबहादुर गुरुङ, प्रदिप घले, सचिवमा प्रकाश अधिकारी, सहसचिवमा बिष्णु भुजेल र कोषाध्यक्षमा प्रतलाल तामाङ सर्वसम्मत चयन हुनुभएको छ ।

प्रतिक्रिया

लेखकको बारेमा

4KNationalDaily