काठमाडौ– निर्वाचन आयोगले स्थानीय तहको निर्वाचनको तयारी सुरु गरेको छ। सरकारबाट निर्वाचनको मिति घोषणा हुनासाथ कार्यतालिका सार्वजनिक गर्ने गरी आवश्यक तयारी तालेको आयोगले जनाएको छ।

अहिले आयोगले निर्वाचनसम्बन्धी गर्ने कार्य जारी राखेको जनाउँदै आयोगका प्रवक्ता शालिग्राम शर्मा पौडेलले कतिपय कार्य भने निर्वाचन मिति घोषणा भएपछि सुरु हुने बताए।

स्थानीय तहको निर्वाचन व्यवस्थापनका लागि कानुन बमोजिम आयोगला  ई सामान्यतया आवश्यक पर्ने आयोगले जनाएको छ ।

स्थानीय तहको निर्वाचनलाई लक्षित गरी आयोगले मतदाता संकलन, मतदानस्थलहरुको पुनरावलोकन र निर्धारण, दातृ निकायसँग समन्वय गर्ने तथा निर्वाचन सम्पन्न गर्न आयश्यक पूर्व तयारीका अन्य कार्यहरु निरन्तर गरिहेको प्रवक्ता पौडलेल जानकारी दिए।

साथै आयोगले प्रस्ताव गरे अनुसार सरकारले निर्वाचन मिति तोकेमा स्थानीय तहको निर्वाचन सम्पन्न गर्न आयोग तयारी अवस्थामा रहेको जनाइएको छ।

निर्वाचनको मिति घोषणा भएपछि निर्वाचन कार्यतालिका ल्याउने आयोगले जनाएको छ।

यसैगरी, आयोगले निर्वाचन मिति घोषणा भएपछि अर्थ मन्त्रालयमार्फत बजेट पास गर्ने जनाएको छ। आयोगले स्थानीय तहको निर्वाचनका लागि १२ अर्ब बजेट आवश्यक पर्ने अनुमाग गरेको ।

जेठ ४ गते बुधबार स्थानीय तहको निर्वाचन एक साथ गर्नुपर्ने प्रस्तव सरकार समक्ष पेश गर्दै आयोगले यस्तो अनुमान गरेको हो । साथै आयोगले एकै चरणमा निर्वाचन नभए खर्च थप हुने अनुमान समेत गरेको छ।