+
Search

ताजा अपडेट +

पपुलर +

रियल मड्रिडलाई च्याम्पियन्स लिगको उपाधि

4KNationalDaily
२०७९ जेष्ठ १५, आईतवार ०८:४९ बजे

काठमाडौं– स्पेनिस क्लब रियल मड्रिडले इङलिस क्लब लिभरपुललाई १–० गोलको नतिजामा पराजित गर्दै च्याम्पियन्स लिगको उपाधि जितेको छ ।

फ्रान्सको राजधानि पेरिसस्थित स्टेड डी फ्रान्स स्टेडियममा शनिबार राति सम्पन्न खेलमा लिभरपुललाई हराउँदै रियलले सर्वाधिक १४औं पटक च्याम्पियन्स लिगको उपाधि जितेको हो ।

रियलको जितमा ब्रजिलियन खेलाडी भिनिसियस जुनियरले ५९औं मिनेटमा गरेको गोल निर्णायक बन्यो । त्यसअघि पहिलो हाफमा करिम बेन्जेमाले गरेको गोल अफसाइड भएको थियो ।

खेलअवधि भरि लिभरपुलले गोल गर्ने थुप्रै अवसर सृजना गरेपनि रियालका गोलकिपर थिबाउट कोर्टुवाले त्यसलाई उत्कृष्ट बचाउ गर्दै स्कोरमा कन्भर्ट हुुन दिएनन् ।

अन्तिम समय सिजन २०१७\१८ मा रियालले १३औं च्याम्पियन्स लिग उपाधि जित्दा पनि फाइनलमा लिभरपुललाई नै हराएको थियो ।

यस सिजन रियालले प्रि–क्वार्टर फाइनलमा पेरिस सेन्ट जर्मन (पीएसजी), क्वार्ट फाइनलमा चेल्सी र सेमिफाइनलमा म्यान्चेस्टर सिटिविरुद्ध उत्कृष्ट पुनरागमन जित निकाल्दै उपाधि यात्रा तय गरेको थियो ।

प्रतिक्रिया

लेखकको बारेमा

4KNationalDaily