काठमाडौं- नेपाल समाजवादी पार्टीका अध्यक्ष डा बाबुराम भट्टराईले आदर्श प्रयत्न गर्दा धोका खाएकाले आफूले सुरु गरेको नयाँ शक्ति निर्माणको गति परिणाममुखी बन्न नसकिरहेको बताएका छन्।
बिहीबार ट्विटरमा लेख्दै उनले २०७२ नयाँ अग्रगामी विचार सहितको ‘नयाँ शक्ति’को आवश्यकता भनेको र त्यसको निर्माणको प्रयत्न गर्दै आएको दोहोर्याएका छन्।
‘परन्तु बीचबीचमा हामीले तिनै पतनशील पुराना शक्तिमध्ये केहीलाई साथमा लिएर जान सकिन्छ कि भन्ने आदर्शवादी प्रयत्न गर्दा त्यसमा धोका खाएर हाम्रो कोशिस अपेक्षित गतिमा परिणाममुखी बन्न सकिरहेको छैन,’ उनले लेखेका छन्, ‘केही समययता हामी आफ्ना गल्ती कमजोरीलाई सच्याएर नयाँ ढंगले अग्रगामी वैकल्पिक शक्ति निर्माण अभियानमा पुनः केन्द्रित भैरहेका छौँ।’
भट्टराईले यसबीचमा पुराना राजनीतिक शक्ति र नेतृत्वप्रति जनताको वितृष्णा र आक्रोश बढेर जानु स्वाभाविक रहेको बताएका छन्।
उनको भनाइ छ, ‘असन्तुष्टि नै नयाँ सिर्जनाको जननी हो भने झैं यसले नयाँ वैकल्पिक शक्तिको निर्माणमा नयाँ आधार निर्माण पनि गर्दैछ।’
आइन्सटाइन भन्थे- ‘No problem can ever be solved at the same level of conscoiusness that created it.’
अर्थात् ‘ जुन चेतनाले कुनै समस्या सिर्जना गरेको हुन्छ त्यही चेतनामा उभिएर सो समस्या हल गर्न सकिन्न।’
त्यस्तै लेनिनलाई दरो वैचारिक टक्क दिने रोजा लग्जेम्बर्ग भन्थिन्- ‘No…
— Baburam Bhattarai (@brb1954) October 26, 2023
लेखकको बारेमा
प्रतिक्रिया