काठमाडौं-  सुनको मूल्य हालम्मकै उच्च भएको छ। आज नेपाली बजारमा सुनको मुल्य बढेको छ भने चाँदीको मुल्य घटेको छ  ।

नेपाल सुन-चाँदी व्यवसायी महासंघका अनुसार शुक्रबार छापावाल सुन प्रतितोला १ हजार ७ सयले बढेर १ लाख ४२ हजार २०० कायम भएको छ । त्यस्तै तेजाबी सुन १ लाख ४१ हजार ५०० पुगेको छ ।

यसअघि बिहिबार छापावाल सुन प्रतितोला १ लाख ४० हजार ५०० रुपैयाँमा कारोबार भएको थियो ।

बजेटले भन्सार दर बढाएपछी बिहीबार सुनको मूल्य प्रतितोला एक लाख ४० हजार ५०० रुपैयाँ पुगेको थियो।अन्तर्राष्ट्रिय बजारमा मूल्य घट्दा पनि भन्सार दर बढेकोले सुन तोला साढे ६ हजार रुपैयाँ बढेको हो। बुधबारसम्म सुन प्रतितोला एक लाख ३८ हजार रुपैयाँ थियो।

त्यस्तै आज चाँदीको मूल्य घटेको छ । आज तोलामा २५ रुपैयाँले घटेर चाँदी १ हजार ८७५ रुपैयाँमा कारोबार भइरहेको महासंघले जनाएको छ ।