गाेरखा– गाेरखा नगरपालिका-५ काे वडाध्यक्षमा माओवादी केन्द्रका बिष्णुबहादुर मगर निर्वाचित भएका छन् ।
उनले ४८६ मत ल्याएर जितेका हुन् ।
उनको निकटतम प्रतिद्वन्द्वी नेपाली कांग्रेसका भाई काजी आले बने । आलेले ४०२ मत पाएका छन् ।
नेकपा एमालेकी दूर्गा कुमारी रानाले ३४५ मत पाइन् भने रास्वपाका मंगलबहादुर थापाले ८२ मत पाए ।
२०७९ सालमा भएको स्थानीय तह निर्वाचनबाट विजयी बनेका खिलबहादुर रानाको निधन भएपछि उपनिर्वाचन भएको हो । कुल २२ सय २५ मतदाता रहेको यस वडामा १३ सय ७३ मत मध्ये १८ मत बदर भएको थियो ।
बाबुराम भट्टराइ नेतृत्वको नेपाल समाजवादी पार्टीका रूपेश मगरातीले १० मत मात्र पाएका छन्।
उपनिर्वाचनअन्तर्गत गण्डकी प्रदेशमै यस वडामा मात्र चुनाव भएकाे हाे ।
लेखकको बारेमा
प्रतिक्रिया