वीरगन्ज, पर्सा।
वीरगन्ज महानगरपालिकामा गत शुक्रबार रातीदेखि फैलिएको हैजा संक्रमणले स्थानीय स्वास्थ्य निकायलाई सतर्क बनाएको छ। प्रारम्भमा महानगरपालिका–१२ स्थित मुर्ली टोलमा देखिएको संक्रमण हाल ११, १३ र १६ नम्बर वडामा समेत फैलिसकेको स्वास्थ्य अधिकारीहरूले जानकारी दिएका छन्।
महानगरका जनस्वास्थ्य निरीक्षक सुमन चन्द्र ठाकुरका अनुसार हालसम्म करिब १ सय ३० जना बिरामी उपचाररत छन्। संक्रमण बढ्न सक्ने खतरा रहेको भन्दै महानगरपालिकाले आपतकालीन स्वास्थ्य अभियान सुरु गरेको छ। अभियान अन्तर्गत ३२ वटा वडाका स्वास्थ्यकर्मीहरू परिचालन, साथै औषधी, एम्बुलेन्स र अन्य सवारीसाधन तयारी अवस्थामा राखिएको छ।
महानगरले जनतालाई सचेत गराउँदै, स्वच्छ खानेपानी प्रयोग, हातधुने र ढल निकास सफा राख्ने जस्ता स्वास्थ्य सतर्कता अपनाउन अनुरोध गरेको छ। स्वास्थ्य विशेषज्ञहरूले भने, हैजा नियन्त्रणमा नआएमा समुदायमा ठूलो संख्यामा संक्रमण फैलन सक्ने भन्दै तत्काल रोकथामका उपाय अपनाउनुपर्ने चेतावनी दिएका छन्।
विद्यालय शिक्षा विद्येयक–२०८० विरुद्ध शिक्षक र निजी विद्यालय संचालकहरूको आन्दोलन तयारी
काठमाण्डौं।
विद्यालय शिक्षा विद्येयक–२०८०को मस्यौदा प्रकाशित भएपछि शिक्षक संगठन र निजी विद्यालय संचालकहरू असन्तुष्ट देखिएका छन्। उनीहरूले विधेयकमा रहेका केही प्रावधानलाई चुनौती दिँदै चरणबद्ध आन्दोलनमा जाने तयारी गरेका छन्।
निजी विद्यालय संचालकहरूको माग:
-
विद्येयकमा प्रस्तावित पूर्ण छात्रवृत्ति हटाउने प्रावधान खारेज गर्नुपर्ने।
-
निजी विद्यालयलाई गैर–नाफामूलक बनाउने प्रावधान हटाउनुपर्ने।
-
अन्य पाँचवटा विशेष माग, जसले विद्यालय सञ्चालनमा स्वतन्त्रता सीमित गर्ने र शिक्षा गुणस्तरमा असर पर्ने आशंका गरिएको छ।
शिक्षक महासंघले पनि दसवटा बुँदे माग सहित आगामी बुधबारदेखि आन्दोलनको तयारी गरिरहेको छ। मुख्य मागमा स्थानीय तहमा दरबन्दी हस्तान्तरण प्रावधानको संशोधन प्रमुख रहेको छ।
गत बिहीबार माइतीघर मण्डलामा निजी विद्यालय संचालकहरूले व्यानरसहित प्रदर्शन गरिसकेका छन्। अब उनीहरूले निर्णायक कदम चाल्दै सरकारी ध्यानाकर्षण गराउने योजना बनाएका छन्।
शिक्षा मन्त्रालयले भने शिक्षक र विद्यालय संचालकको माग सुन्दै वार्ता गर्न तत्परता जनाएको छ, तर विवाद समाधानका लागि उच्च तहको निर्णय आवश्यक हुने स्रोतहरूले बताएका छन्।
लेखकको बारेमा
प्रतिक्रिया