काठमाडौं- आज (शनिबार) देशैभर आंशिकदेखि सामान्यसम्म मौसम बदली भई पूर्वदेखि पश्चिमसम्मै वर्षाको सम्भावना रहेको मौसमविद्ले बताएका छन्।
मौसम पूर्वानुमान महाशाखाका मौसमविद् मञ्जु बासीका अनुसार आज देशका पश्चिम र मध्य क्षेत्रका केही र पूर्वी क्षेत्रका थोरै स्थानमा वर्षा हुने सम्भावना छ।
यस्तै मध्य र पश्चिमका थोरै स्थानमा भारी वर्षाको समेत सम्भावना रहेको उनले बताइन्। ‘ दिउँसोभन्दा बढी राति वर्षाको सम्भावना छ,’ मौसमविद् बासीले नेपालखबरसँग भनिन्।
यस्तै राति पानी परेको काठमाडौं उपत्यका अहिले बिस्तारै खुल्दै छ। ‘तर अपराह्नपछि फेरि वर्षा हुने सम्भावना देखिन्छ।’
लेखकको बारेमा
प्रतिक्रिया