काठमाडौं– नेपाल कम्युनिष्ट पार्टी (नेकपा) स्थायी कमिटि सदस्य जनार्दन शर्माले पार्टी कुनै हालतमा नफुट्ने र फुटाउन नदिइने बताएका छन्।

सामाजिक सञ्जालमा आफ्ना धारणा राख्दै उनले दुई नेताले अब के गर्लान् भनेर अब हेरेर बस्न नहुने उल्लेख गर्दै पार्टीलाई एकताबद्ध गरी राष्ट्र र जनताको आवश्यकतामा सञ्चालन गर्न आम नेता कार्यकर्तामा गम्भीर जिम्मेवारी आएको जनाएका छन्।

https://www.facebook.com/janardan.sharma.5661/posts/3266194696938338

उनले भनेका छन्, ‘पार्टीलाई विचार, विधि र पद्दतिबाट विचलित गरी व्यक्तिका आ–आफ्ना स्वार्थपूर्तिको हतियार बन्न दिनुहुँदैन। तसर्थ एकता गर्दा गरिएका सहमति, आम जनता र कार्यकर्ताको सुझावका आधारमा तयार हुने सहमतिको नयाँ प्रस्ताव स्वीकार गरी रुपान्तरणसहित नेतृत्व गर्न नेताहरूलाई आग्रह गर्दछौं । कार्यकर्ता र जनताको आग्रह अस्वीकार गर्ने अधिकार कुनै नेता विशेषलाई प्राप्त छैन भन्ने कुरा स्मरण गराउन चाहन्छु।’

उनले एकताको एक अभियन्ताका नाताले सबै नेता–कार्यकर्तालाई पार्टी एकताको पक्षमा योगदान गर्न अपिल गरेका छन्।