तेश्राे बुँदामा सत्ता सहकार्यकाे कुरा छ । गण्डकी प्रदेश सभामा २ सदस्यमात्र रहेकाे जसपाकाे दुवै जनालाई मन्त्री बनाउने गरी मुख्यमन्त्री पाेखरेल र जसपाका संसदीय दलका नेता आचार्यले सहमति पत्रमा हस्ताक्षर गरेका छन् । त्यसमा पनि अर्थ मन्त्रालय सहित २ वटा मन्त्रालय दिने स्पष्ट उल्लेख गरिएकाे छ ।

चाैथाे बुँदमा प्रदेश सरकारबाट हुने राजनैतिक नियुक्तिमा पनि भागबण्डा गरेरै गर्ने सहमति कायम गरिएकाे छ । याे बुँदमा गठबन्धनकाे भावनालाई सम्बाेधन हुने गरी राजनैतिक नियुक्ति गरिने सम्झाैता गरिएकाे छ । यही सम्झाैता भएपछि जसपाले मुख्यमन्त्री पाेखरेललाई विश्वासकाे मत दिएकाे छ ।

सबै सांसद मन्त्रीका आकांक्षी

कांग्रेस सांसद कुमार खड्का, माओवादी सांसद मधुमाया अधिकारी गुरूङ, जसपा सांसद आचार्य र स्वतन्त्र सांसद गुरूङले मन्त्री बनिसकेका छन् । कांग्रेसका बाँकी १३ जना सांसदले मन्त्री बन्न केन्द्रीय नेतासँग निरन्तर सम्पर्क गरिरहेका छन् ।

माओवादीका ११ सांसदमध्ये एक जना मन्त्री भइसकेपछि अब १० जना नै मन्त्रीका आकांक्षी छन् । ‘को–को जाने भन्ने निर्णय दलको बैठकमा छलफल हुन्छ । एकरदुई दिन लाग्छ,’ एक सांसदले भने, ‘एक जना मन्त्री भइसक्नु भएको छ । अरु सबै आकांक्षी छौँ ।’

कांग्रेसका १५, माओवादीका ११, जसपा र राष्ट्रिय जनमोर्चाका दुईरदुई, एक स्वतन्त्र सांसद एकजुट भएपछि कृष्णचन्द्रको नेतृत्वमा गण्डकीमा गठबन्धन सरकार बनेको हो । जनमोर्चा मन्त्रिमण्डलमा सहभागी नहुने पक्षमा छ ।

मन्त्रिमण्डलमा जिल्ला पनि मिलाउने पक्षमा मुख्यमन्त्री पोखरेल छन् । त्यस्तो भएमा स्याङ्जाका सांसदद्वय मेखलाल र भागवतप्रकाशमध्ये एक जनामात्रै क्याबिनेटमा जाने छन् । भागवत प्रत्यक्ष निर्वाचित हुन् भने मेखलाल समानुपातिक सांसद हुन् । दवाडी गोरखाबाट प्रत्यक्ष निर्वाचित हुन् ।