काठमाडौं– बुधबार सुन र चाँदी दुवैको मूल्य बढेको छ। सुनको प्रतितोला ६ सय रुपैयाँले बढ्दा चाँदी पनि तोलामा १० रुपैयाँ महंगो भएको नेपाल सुनचाँदी व्यवसायी महासंघले जनाएको छ।

महासंघका अनुसार बुधबार छापावाल सुन १ लाख ३८ हजार २ सय र तेजाबी सुन १ लाख ३७ हजार ५ सय ५० रुपैयाँमा कारोबार भएको छ।

त्यस्तै चाँदी १ हजार ९ सय ३० रुपैयाँ प्रतितोला मूल्यमा कारोबार भएको छ।

मंगलबार छापावाल सुन १ लाख ३७ हजार ६ सय, तेजाबी सुन १ लाख ३६ हजार ९ सय ५० र चाँदी १ हजार ९ सय २० रुपैयाँमा कारोबार भएको थियो।

अन्तर्राष्ट्रिय बजारमा सुन २ हजार ३ सय ५९ अमेरिकी डलर र चाँदी ३२ अमेरिकी डलर प्रतिऔँस मूल्यमा कारोबार भएको एजेन्सीहरुले जनाएका छन्।